Si të aplikoj?

Formulari i Aplikimit mund të tërhiqet pranë të gjitha klubeve të MJAFT në Tiranë, Shkodër, Elbasan, Fier, Gjirokastër, Vlorë e Korçë. Gjithashtu aplikimet mund t’i gjeni dhe në këtë faqe interneti http://www.euroudhetim.org/apliko.htm

Sa do të më duhet të shpenzoj gjatë këtij udhëtimi?

Kjo varet nga ju. Natyrisht që do të ketë shpenzime, por nuk do t’ju duhet të planifikoni shpenzime te shumta levizjesh me mjete publike, pasi Lëvizja MJAFT! do t’ju pajisë me një Free Rail Pass, një abone për udhëtimin falas me tren në ëdo vend të Evropës. Gjithashtu MJAFT do të mbulojë dhe shpenzimet e vizës.

Do të duhet të parashikoni një shumë minimale prej 35 eurosh në ditë, me të cilat do të mbuloni shpenzimet e ushqimit dhe fjetjes.

Kur dhe ku dorëzohen dokumentat?

Pasi të keni plotësuar me kujdes formularin e aplikimit do të duhet ta dorëzoni atë pranë zyrave të Lëvizjes MJAFT në Tiranë ose në rrethe. Data e fundit e pranimit të aplikimeve është 5 korrik, 2008, por ne ju rekomandojmë që të mos e lini aplikimin për ditën e fundit.

Cili është itinerari?

Të gjithë studentët që do të përzgjidhen për të udhëtuar në Evropë do të nisen së bashku nga Tirana drejt Durrësit, ku do të marrin tragetin drejt Barit (Itali), e më pas do të udhëtojnë me tren drejt Berlinit (Gjermani) për Ceremoninë e Hapjes. Ky udhëtim do të kryhet më shpenzimet e Fondacionit MJAFT. Në Gjermani të gjithë studentët do të jenë të lirë të ndjekin itinerarin që dëshirojnë, e të vizitojnë vende të ndryshme të Evropës. Pas 30 ditësh të gjithë duhet të jenë në Tiranë, e të takohen në zyrat e Lëvizjes MJAFT për të diskutuar mbi vazhdimësinë e projektit.

Kur është nisja?

Nisja do të jetë në 18 Korrik 2008, por ju do të njoftoheni nga Lëvizja MJAFT! për datën ekzakte.

Kur shpallen fituesit?

Fituesit do të njoftohen nga Lëvizja MJAFT! brenda datës 10 Korrik, 2008

Ku mund të rri gjatë udhëtimit?

Zgjidhja më pak e kushtueshme do të ishte të qëndronit në Hostels. Në çdo qytet evropian mund të kërkoni të tilla shtëpi akomodimi.

Ku mund të gjej info?

Çdo qytet europian në të cilin mund të dëshironi të shkoni ka disa faqe interneti në të cilat mund të gjeni informacion mbi turizmin, historine, kulturen dhe argëtimet - disa prej tyre mund t’i gjeni dhe në faqen tonë. Ndërkohë fituesit do të informhen më gjatë mbi këto hollësira nga stafi i Lëvizjes MJAFT në trajnimet që do të ndodhin para nisjes.

A mund të aplikoj nëse studioj jashtë Shqipërisë?

Jo, pasi do të pranohen vetëm aplikimet e studentëve nga universitetet publike e private brenda territorit të Shqipërisë.

A mund të aplikoj nëse jam në vit të dytë?

Kushti që duhet plotësuar për të aplikuar është që të jesh i regjistruar në vitin e fundit ose të parafundit të universitetit. Nëse universiteti yt është tre-vjeçar, atëherë mund të aplikosh edhe duke qenë student i vitit të dytë.